انتخبوني قبل لا تفقدوني

السلام عليكم
اعود اليكم من جديد وبكل قوه لترشيحي في مجالس المحافظه
شعاري هو ....((تحلمون اذا تشوفون شي مني))
حملتي الانتخابية هي ..((اني مال فصحى)) مدعرف احجي بالفصحى..اي نكمل باعوا حبايبي راح اخليكم تتمنون الموت من القهر والعذاب الي راح تشوفوا
راح اخلي الانفجارات 2 باليوم في كل محافظه لا غير..يعني مو مثل هسه 14 و19و 10000 انفجار باليوم لا اني حخليها بس 2..شوفوا شون دلال
وراح اخلي كل مترين سيطره حتى اطلع روحكم واموتكم من الازدحامات...راح اخلي الكهرباء ساعة فقط باليوم ..وراح ارفع اسعار الكاز مالت المولدات حتى محد يكدر يسحب خط مولده وتموتون من الحر
وراح ارفع اسعار البانزين ل3 اضعاف حتى تكعدون ببيوتكم ومحد يطلع
وراح اغلق جميع منافذ العراق والمحافظات ومحد يكدر يروح على احد ولا احد يكدر يشوف احد
يعني راح يكون كل واحد بمحافظته ويحلم يشوف المحافظه الثانيه
وراح اغلق المطارات وممنوع اي سفر
وكلشي مراح اوزعلكم وكلشي مراح انطيكم....لان كافي اخذتوا هوايه وعشتوا حياتكم

يلا انتخبوني ومراح تخسرون شي واوعدكم انو حياتكم حتكون جحيم في جحيم

مرشحتكم

اني اضم صوتي لكي
تسلمي على الطرح

لازم ننتخب هيك شخص
ماكو أحسن من هالمرشح
بارك الله بك أختي العزيزة
ودمت بحفظ الله

انتخبوامرشحتكم وفاء الموسوي
مشكوره على الطرح

» سلوني قبل أن تفقدوني
» سلوني قبل أن تفقدوني