ﻟﺒﻘﻴﻪ ﺑﺤﻴﺎﺗﻚ ﻳﺎ ﻋﺮﺍﻕ ﺍﻟﺨﻴـــــــــــﺭ
ﻭﻟﻮ ﺍﺩﺭﻱ ﺑﺤﻴﺎﺗﻚ ﻫـــﻢ ﻛَﺼﻴــــــــﺮﻩ
ﺗﻌﺎﻝ ﻭﺷﻮﻑ ﻧﺎﺱ ﺍﺗﺬﺑﺤﺖ ﺑــــــﻠﻜﺎﻉ
ﻭﻫﻮﺍﻱ ﺍﺟﻼﺏ ﺍﺟﺖ ﻣﻦ ﻏﻴﺮ ﺩﻳــــــﺮﻩ
ﻣﺼﻴﺮ ﺍﻻﻣة ﺻﺎﻳﺮ ﻉ ﺍﻟﺴﻴﺎﺳـــــــــﺍﺕ
ﻭﺣﺎﻳﺮ ﻫـﺍﻟﺸﻌﺐ ﻣﺎ ﻳﻌﺮﻑ ﻣﺼﻴــــﺮﻩ
ﺣﻴﺮﻩ ﻭﺩﺍﻋﺖ ﺍﻟﻠﻪ ﺷﺒﺎﻗﻲ ﺑﻴﻪ ﺍﻟﻨــﺎﺱ
ﻭﻳﺎ ﺣﺎﻛﻢ ﻳﺠﻴﻨﻪ ﺍﻳﺰﻳﺪ ﺍﻟﺤﻴــــــــــــﺮﻩ
ﻭﺣﻚ ﺍﻟﻠﻪ ﻭﻣﺤﻤﺪ ﻭﻋﻠﻲ ﻭ ﺫﻭ ﺍﻟﻔﻘـــﺎﺭ
ﺍﻟﻌﺮﺍﻕ ﻳﻀﻞ ﻋﻠﻢ ﻭﺍﺣﻨﻪ ﺍﻟﻤﺴﻴــرة
صباح الموت بغداد الحبيبة
صباحج موت من دون الصباحات
صراع ال عالكراسي نزل عالروس
وطش فوق الصبح كومة انفجارات
صباح الموت يا ام المساكين
يا دجلة الخوف ونهر دمعات
يشعلونج حطب لو تبرد الخضراء
وتدفى عليج ام العصابات
لان لازم جماجم للعرش كون
ما يكعد الكرسي بلايا صرخات
امبين يا حبيبة كتالج وذاك
يا هو من ولدج يصرخ الثارات
سيارات الاسعاف تفخخت واطفاء
مو كافي الكواتم مو كافي عبوات
هاي ام تلم ببنها وهاذه اب
كسر ظهره دهره وابنه المات
هاي زهور ما فتحت هاي عيون
نامت عالجمر وعالهموم تبات
رضت بالضيم تعيش بس كونها تعيش
وحرموها حتى تعيش والعمر فات
صباح الموت يا حلوة تحترقين
لان محد الج يا وسفة وحرامات
حاميج الحرامي وحارسج كتال
اشندعي مو زرفنا السما دعوات ؟ 
