ميلاد العقيلة الهاشمية عليها السلام

أنا عتب على ألزوار هالأيام ماجوني
وخلوا مشهدي مظلم وما وصلوا يهنوني
هالأيام ميلادي وبلعاده تجي ألوفاد
ناس تزور وتصلي وناس يطلبون مراد
وياكثر الخلق يللي يجوني بليلة ألميلاد
وحاطت بالقبر هالعام عدواني وقهروني
شسوي وهالعدى وصلوا وظلوا يقتلون ألناس
ومابيهم ابد رحمه بني أميه وبني ألأرجاس
وآني أدعي واتوسل بخويه بو ألفضل عباس
تعال أحضر يبوفاضل قبر أختك ونقذوني
يزينب يابنت حيدر حجيج زيد ونيني
وتدري يختي يازينب مقطوعات أيديني
وسهم أللي تخبرينه يزينب بعده بعيني
سلامي لج ولزهرا يخيه وآنا عذروني
وقالت فاطم ألزهرا أجيتج آني بالأحزان
أريد أحضر أني ألمولد وياالحور وألولدان
وأفرح بيج يابنتي وغصبا ما على ألعدوان
وأدري ذولا هم كفار وأحفاد أللي عصروني
ألمعذره يا مولاتي يصادف ألمولد وقلوبنا تعتصر ألما بما حل بقبرك ألشريف قاتل الله النواصب قديما وحديثا وانا أعتذر أليكم لوذرفت عيونكم دمعه متباركين
نسالكم الدعاء خادم الامام الحسين. عليه السلام

السلام على العقيلة زينب
الله يلعن من حرمنا زيارتها
بارك الله فيك

شكرا لكي اختي العزيزة انرتي صفحتي