قصيده بمناسبه ولاده الامام الباقر ع

خامس العتره منجم علوم
نوره يتشعشع مثل النجوم

#########

محمدالباقر بحر زاخر بالمكرمات
علمه من علم النبي زاهر بالمنقبات
كل عصر علمه يظل غامر يهدي الابات
داير بكل محفل وعابر يملي الفلات

الامم مظلومه تركت اعلومه
اتعيش محرومه اعتب والوم

#########

علمه يزهي كالالاء والدرر ماله حدود
بالفقه عنده درايه وبالسور كنز الوجود
عبقري لليوم ظل تارك اثر مثل الجدود
ما وجد مثلك ابد هذا الدهر تاج الخلود

مشعل هدايه الكل البرايه
ينجعل ايه يجلي الهموم

#########

اتسلق السور المعالي بالهمم وارث الاطهار
يحمل الكل المعاني والقيم يرشد الابرار
بالتقى والمعرفه اصبح علم ناشر الاسرار
بالكرم والجود والخير اتسم معدن الاخيار

سيرة حياته الساعة مماته
هذي صفاته ظلت تدوم

########

بالمحبه والفرح كل المهج غدت مسروره
بليلةالمولودكل شيعي ابتهج الدنيه معموره
سطع نورك عالسفوح وعاللجج الشيعه مغموره
استقبلت هالليله خامس للحجج للنبي اتزوره

تهني بسعاده هاي الولاده
تعيش بوداده وتنسه الغموم

#########

تزينت هالليله جنات النعيم الحفله معقوده
كل ملك متكحل وبيه يقيم شكر معبوده
طه يحظر للحفل ويه الكليم الرسل موجوده
الحور تلهج بسمك تناجي العليم تقبل خدوده

للنبي العدنان تهلهل الولدان
بطنان الجنان تحي الرسوم

###########

كل مجره ادور للباقر اجت كامت اتشيلك
بلهفه وبشوك ومحبه استانست صارت تغنيلك
والشهب ويه النيازك لورست يمك اتناغيلك
والشمس من سمعت الحفله جرت كصدت اتضييلك

يغله الحبايب حتى الكواكب
لن ضيه ثاقب حولك تحوم

##########

نحي محفلنه بشموع وزينه ونقره المديح
سادس العصمه اجه يناغينه وعطره يفيح
الخضر والمهدي اجه ايهنينه وحتى المسيح
يمته من فيض العشك تروينه ويمته نستريح

يالمهدي عهودك وفيه بوجودك
كل احنه جنودك للنهضه دكوم

بارك الله بكي اختي ع الطرح القيم

قصيدة جميلة
بارك الله فيكِ

بارك الله بجهودك أختي العزيزة
وجزاك الله خير الجزاء

رااائعه مشكوره على الاختياار