صبر يا عراق حسين

صبر يا
عراق حسين

اصبر يا
عراق حسين عالصار ----------- بعد بيك ليضمد لك
جراحاتك

اصبر
يالصبر منك جرعناه ------------- وما شحت علينا بيوم
خيراتك

رغم كل
المآسي وكل الأحقاد ------------- من هذا وهذاك الراد
زلاتك

نشف
دمعتك خل عينك تشوف ---------- منهوه الحمل بجفوفه
دمعاتك

ومنهوه
الوكَف يتشمت وبيك -------- يغرس خنجره بشريان
ضحكاتك

هواي
أنواط بيك تقلدت ناس --------------- تنعد بعدد وخزات
طعناتك

وهواي
اعلى جرحك داست اقدام ---------- رادتلك ذليل تعيش
ساعاتك

وايد
تكلفت تكتب قوانين ------------------ عرفيه وتزور سير
عاداتك

وسراقة
شعوب الفزعة أعليك --------- من خارج حدودك لجل
نفطاتك

واقسم
بيك يا هذا الوطن ميدوم -------- كل ظالم واجه يغيظ
ابتساماتك

وميدوم
الكذب وأهل الدعايات ------------ والرادوك بس تترك
صلاتك

لأن
وضعك عجيب وكلك أسرار----------- وأسرارك لغزها بسر
حلاتك

غشيم
الما عرف حمايك يكون ---------- حيدر وارتبط وي اسمه
ذاتك

وغشيم
إلي يضن بجفوفه يلويك -------- وجفوف الكَمر عباس
راياتك

اصبر ما
بقت بس صرخته يصيح ----- مهديها وتضج ثورات
ساحاتك

خلصت
مرحله وهم لازم تزول ---------- وكلها بيوم تتساقط
حكوماتك

والظالم
يزول وكل الأحقاد --------------- وأنياب الوحوش
ألناهشاتك