قصائد عن الأمام العباس عليه السلام

يالعليه تنشد أشگد يحمل صفات . لا تحيرك يا موالي المسئله
كلها بيه موجوده أسرار الحياة . وكلشي أبالك إذا أتوصفه اله
لا تگلي منهو فخر الكائنات . والنبي المختار عالي ألمنزله
ولا تگلي منهو حل المعضلات . ادري حيدرنه يحل المعضلة
ولا تگلي الناصح اتگول الثقات . ادري بشفافة نبيك قبله
ولا تگلي من سفينة النجاة . على راسي حسين ابن عقد الوله
ولا تگلي منهي أم الفاضلات . ادري بالزهراء دين الله عله
ولا تگلي بزينب أم النايبات . ادري بزينب شهامة ومرجله
ولا تگلي العصمة والحق والثبات . ادري بيهم والله بأعظم منزله
لا چن التنشد عليه حتى الممات . وما تنازل للخصم ونطاها اله
وگف عسكر مو شخص يم الفرات . وارتجز هاذ انه وين الرذله
ومن نزل للماي داس أعله الطغاة . وچفه من نزلت ارتفعت للعلة
هذا أمه أم البنين وظاهرات . عنها إخبار ووصف بين ألمله
وهذا أبوه حيدر ألما عابد مناة . سجد بس لله أبوه وهللّه
هذا عباس بضواه ضوه الطفوف . وهذا بركان الغضب والزلزله
وهذا عضد حسين ونطاه الچفوف . وهذا چافل زينب وحامي هله
اسمه عباس الأغر والكل تطوف . بصحنه حتى أملاك ربك نازله

__________________________________________________ __

سيدي عباس يبن ام البنين يا ابن حيدر علي وندريبه
ياحصن من كل خطرجدا حصين وياستر بل سور مابيه عيبه
سيدي عباس ياضخر الصخر ياحرز شلناه اليوم امصيبه
ياجفيل العايله ونعم الجفيل ويانبع ينبع اصول الطيبه
والله حيرت الخلك يابالفضل ودنيتك حارت بهاي الهيبه
لان كل خصله جميله وجيده بيك اجزم سيدي بلا ريبه
ياعضيد حسين يالمالك وصف وياوزير ألواه تم تنصيبه
بيك يتشرف زمانك ياشرف وياذكر لومر كثر ترحيبه
انته زهوالكون وانوارالسمه وانته بدرالماعرف كل غيبه
وانته دستور المبادى والقيم ومنك المبدى اخذ تأديبه
حكه يصرخ كونك بيوم ارحلت وحكه عالي اعليك صار انحيبه
لان مثلك سيدي هذا الزمن لو هوه ايشاهد امنين ايجيبه
انته راقي بلا غلو ياسيدي وشخصك الطف التزم تعريبه
وترجمت موقفك النه المشرعه وشهد ماي افرات عن ترغيبه
موش سيفك بالنزال العلمك السيف بيمينك كمل تدريبه
ومن صناديد العرب ماتنحسب ولاصنف تصبح ضمن ترتيبه
كسر ظهر حسين فكدك ياشهم والشماته اسهام كام اتصيبه
وعذبه الكلب الحسين اموادعك ومطرت الدنيه ابدمه التعذيبه
ايه ياعباس والنوح ارتفع حين حنه حسين بالدم شيبه
وصوت ايتام الضعن جدا عله لان خصمك ماكطع ترهيبه
والله لوحاضر وشاهدت الشمربعدك اصبح حادي ضعن النيبه
واصبحت سلواه بترويع العيال و صوطه بمتون العقيله ايهيبه
والله لوحاضر وشاهدته اليزيد وشفت راس حسين بيش ايصيبه
جاكطعت الكون في نار الغضب وجا حرك دنيانه بس الهيبه

___________________________________________

شرد اوّصفك يا زعيم المشرعه ....وانته عزرائيل كلّك هونك
ماني لاحك بيك من اخطف ارواح ...حين سيفك لاكه اليضدونك
شرد اكولن يا براكين الغضب ....وانته اعضم زلزله ايوصفونك
وشرد اوّصف ياصواعق ياحمم ....ينقلاب وكارثه وهم دونك
يا اسد والسيف نار الواقعه ....ويا لهيب اجهنم البعيونك
ويا فلك دوّار يلهب لو زعل ....بيش خصمك سيدي ايباهونك
يالكصدت الماي رغما عالعده ....وتدري يم المشرعه ايلاكونك
وقررت توصل لعد ماي الفرات ....لان اطفالك عطش يتنونك
حاطت بيك فعلا لن عددها اهواي ...لجن سيفك حاط الي يحيطونك
رجّفت كاع الحوتهم من صلت ....وغرّكيت الرادو ايغركونك
وانه متئكد رجف حتى الفرات ....وصاح هاك الماي ليزعلونك
انته سجّيل ونزل بمر الالاه ....وانته صرصر كلهم ايعرفونك
وانته درك الاسفل او انته صقر ....وحين تلهب يحترك كل كونك
كيف انه اكدر اوصفك ياشجاع ....وانته عند الله فقط مكنونك
حيريت الكون ياراعي اللواء ....وحيريت اهل الشرك بفنونك
وفقت كل معنى بتعابير العرب ....وعجزت حتى الذي يمدحونك
ماكوحاجه اشهود في طف كربلاء...حتى يشهد بالنزال اشلونك
واليريد اشهود ينظر للخصم ....من فتك بيهم فتك طاعونك
الروايه اتكول هم عشرين الف ....والروات الوحدك ايذكرونك
وهذا كله ومعرفو يا سيدي ....من مياه العلكمي ايمنعونك
انته وين الموت مكطعت النداء ....طول يوم المعركه ايسمعونك
وياخنازير الشرك بيهم تصيح ....وتدخل ابجمعتهم ايشهدونك
وابد ساكن حرّكو لاوالرسول ....وابد لحضه فكّرو يدنونك
ياعقيده ثابته ابروح اليقين ....والقيم تتغذه من ماعونك
انته ايمان ابفعل لامو وصف ....وانته تطبيق العدل قانونك
وانته عمق الطيبه ورمزالوفاء ....وفاق فضلك كل فضل يروونك
حتى عدوانك ابساحات النزال ....بالشجاع الفاضل ايسمونك
اهضمتهم نزلتهم للاقدام ....ومستطاعو سيدي ايهضمونك
وحين عضدك سلمك بيده اللواء ....جان يعلم ماتكل امتونك
وجان يدري الرايه بيمينك تلوك ....ويدري بيك انته التساجي اضعونك
ويدري بيك انته التساجي اضعونك

يعطيك العافيه على الطرح المميز

بارك الله بك وجزاك الله كل خير

شكرا" لكل من عطر صفحتي بمروره الكريم

سلام ربي عليه
,,,,,
الف شكر لك للطرح الرائع

شكرا" لك أختي العزيزة لمرورك الكريم

» زيارة الأمام العباس عليه السلام
» الأمام العسكري عليه السلام وظلم بني العباس
» مياه نهر العلقمي تحيط بقبر الأمام العباس عليه السلام
» أخبار الأمام الحسين عليه السلام عن شهادة أولاد الأمام الحسن عليه السلام
» أبو الفضل العباس عليه السلام في نظر الأئمة عليهم السلام