شعر شعبي عن الامام الحسين عليه السلام

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

بالضماير والسراير يحسين الك تمثال مهماتمر اجيال

1_لو نسكت والصمت نلزمه احنة ابحبك معروفين
ماكوداعي انفوه ابكلمه حسين احنه واحنه حسين
بطرف السان الواحد اسمه ودوم اترد بيه الشفتين
عزة نفسه وطبعه ورسمه منجمعين ابوسط العين
* في المشاعر والخواطرفي المدمع الهمال مهما تمر اجيال

2- اصبح دم بين ويتنقل حبك واتمركزبالروح
حبك يحسين وشنسولف عن وصفه ياوارث نوح
شماگلنه عنه ما نوصل يم وصفه وابدا منلوح
هذا احساس وبالدم يسري انموت ومنه ميروح
* بالمهاجر والمقابرفي شته الاحوال مهما تمر اجيال

3- مو من اجل الجنه انحبك ولا خوفن من عندالنار
بس شفناك الحق هوه انته واعداك الباطل واشرار
كل عاقل يسمع عن قصتك غيض امنعداك ايشب نار
وهذا الحب البينه اوراثه اتورثناها واحنه ازغار
* اذنفاخر او نكابر بحبك ربينه اعيال مهما تمر اجيال

4- شهدت كتب الباري ابشخصك واسمك ظل بيها مذكور
بالانجيل وكل توراته وبالقران وبال**ور
يالاسمك في عرشالباري منقوش حسين ومحفور
ومطرز بگلوب الشيعه وايشعشع يحسين ابنور
* بينهصاير وبينه داير وايغذي الاوصال مهما تمر اجيال

5- ياقصه الما مثلك قصه وياواحد واعداك الكون
يامن صرت الهذا العالم رمز وعزه ونخوه وعون
ميبغضك اله ابن الباطل وابن الشيطان الملعون
واحنه ابحبك يابو اليمه صحنه افداك الروح اتهون
* لو نخاطر بالمناحر فيكه نجد منوال مهما تمر اجيال

6- منهواليگدر يذكر اسمك واعيونه متصب ادموع
بأول حرف انجر الونه ويذوّب من عدنه اضلوع
والثاني بيه هاي المقله اتفيض وبالدم اتموع
والحرفين الضلن غصه بيها الروح اتون وتلوع
* انته حاضر بالمعاشر رغما على الدجال مهما تمراجيال

تحيـــــــــــــــــــــــــــــاتي

بارك الله بك أخي العزيز علي مولاي وجزاك الله خير الجزاء

جزيتم خيرا
بارك الله فيكم
ودي

شكر عالتعليقات الرائعه

جزاك اله كل خير
بوركت

شكرا للمرور

» موقف الزهراء عليه السلام يوم القيامة من قتلة الامام الحسين عليه السلام
» نهج الامام الحسين ( عليه السلام ) هو السير الحقيقي بمنهج الامام المهدي
» نهج الامام الحسين ( عليه السلام ) هو السير الحقيقي بمنهج الامام المهدي
» دعاء الامام السجاد (عليه السلام) بدأ بالتحميد لله عز وجل والثناء عليه
» مدح الامام علي عليه السلام